प्रतिनिधी राजू इंगळे हिवरा जाटू
आज भारताचे लोहपुरुष भारतरत्न सरदार वल्लभभाई पटेल यांच्या १५० व्या जयंतीच्या निमित्ताने राष्ट्रीय एकता दिन प्रसंगी, सरदार पटेल सहकारी डेअरी फेडरेशन लिमिटेड (SPCDF – अमूल व्हेंचर) ने जयंती उत्सव आणि सहकारी संवाद वाघजाळी दूध उत्पादक असोसिएशन वाघजाळी तालुका सेनगाव येथे आयोजित केला. या कार्यक्रमात सहकार क्षेत्रातील तज्ज्ञ माननीय मितेश बारोट मुख्याधिकारी वसुधारा डेरी अलीपुर गुजरात,दूध उत्पादक, महिला, युवक सहभागी झाले होते. कार्यक्रमाची सुरुवात सरदार पटेल यांच्या प्रतिमेला पुष्पहार अर्पण करून झाली.या प्रसंगी मितेश बरोट, डॉक्टर देवकर,डॉक्टर देवकते केके देशमुख वक्त्यांनी सरदार पटेल यांनी दुग्ध क्रांती मध्ये दिलेले योगदान यावर प्रकाश टाकला. तसेच सरदार पटेल यांचे स्वतंत्र भारतातील सामाजिक-आर्थिक एकतेसाठी सहकार्याची भावना या बाबतचे कार्य याबाबत मान्यवरांनी माहिती दिली.
सरदार पटेल जयंती – जी राष्ट्रीय एकता दिन म्हणून देखील साजरी केली जाते – त्यात गावांमधील दूध उत्पादक, महिला आणि तरुणांनी उत्साहाने भाग घेतला. या कार्यक्रमात, सरदार पटेलांचा “एकता आणि सहकार्य” चा संदेश जनतेपर्यंत पोहचवण्यात आला.
माननीय पंतप्रधान श्री नरेंद्र मोदी यांच्या “सहकार ते समृद्धी” या दृष्टिकोनातून आणि माननीय गृह आणि सहकार मंत्री श्री अमित शाह यांच्या दूरदर्शी नेतृत्वाखाली, भारताच्या सहकार क्षेत्रात एक नवीन अध्याय सुरू झाला आहे. या प्रेरणेमुळे राष्ट्रीय स्तरावर सरदार पटेल सहकारी डेअरी फेडरेशन लिमिटेड (SPCDF) ची स्थापना झाली, ज्याचा उद्देश देशभरातील दूध उत्पादकांना सहकारी संस्थांद्वारे सहकारी रचनेशी जोडणे, जेणेकरून दूध उत्पादकांना दूध संकलनापासून वितरणापर्यंत मजबूत, पारदर्शक आणि सहकारी प्रणालीचा फायदा घेता येईल.
सध्या, SPCDF भारतातील २० वेगवेगळ्या राज्यांमध्ये सक्रियपणे काम करत आहे, जिथे ते दूध उत्पादकांना एका संघटित सहकारी रचनेशी जोडण्यासाठी, गावपातळीवर दूध सहकारी संस्थांच्या निर्मितीला प्रोत्साहन देण्यासाठी आणि शेतकऱ्यांना आधुनिक दुग्ध सेवा प्रदान करण्यासाठी काम करत आहे. सरदार पटेलांचा असा विश्वास होता की “देशाची खरी ताकद गावांमध्ये आहे. विना सहकार नाही उद्धा र” – हेच ब्रीद SPCDF च्या कार्याकरिता प्रेरणादायी आहे. एसपीसीडीएफ अमूल मॉडेलच्या धरतीवर काम करते – जिथे शेतकरी त्यांच्या उत्पादनाचे मालक असतात आणि संस्थेचा प्रत्येक निर्णय लोकशाही आणि सहकारी तत्त्वांवर आधारित असतो.
या कार्यक्रमांतर्गत, दूध उत्पादकांनी त्यांच्या गावांमध्ये ग्रामीण दूध सहकारी संस्था स्थापन करण्याचा आणि त्यांना एसपीसीडीएफशी संलग्न करण्याचा निर्णय घेतला, ज्यामुळे त्यांना अमूल दूध उत्पादकांसारखेच अनेक फायदे मिळतील – जसे की वाजवी आणि पारदर्शक दुधाचे दर, खाद्य आणि पोषण आहार, पशु आरोग्य सेवा, प्रशिक्षण आणि वित्तपुरवठा आदी सुविधा मिळतील. समारंभाच्या शेवटी, दूध उत्पादकांनी प्रत्येक गावाला सहकारी संरचनेखाली आणण्याची आणि “सहकारातून समृद्धी” ही भावना साकार करण्याची प्रतिज्ञा घेतली यावेळी संतोष भाऊ गवळी, दाताळा सरपंच रवणे, वाघजाळी सरपंच तांबिले,ई. उपस्थित होते. संचालन वाबळे सर यांनी तर आभार संस्थेचे अध्यक्ष रामेश्वर तांबिले यांनी मानले.
